Library
Profile
ఓ పాపా
ఓ పాపా
1 min
4
చదువుంటే తెలివి కలుగు తెలుసుకొనుము ఓ పాపా!
తెలివి కలిగి బతుకు పాట పాడుకొనుము ఓ పాపా!
చదువొక్కటె చాలదులే ధైర్యముతో మెలగవమ్మ,
సమాజమొక పాఠశాల మసలుకొనుము ఓ పాపా...!
లోకములో మంచీ, చెడు రెండె రెండు కులములుండు..
మంచియనగ మానవతే యెరుక గనుము ఓ పాపా!
విద్య యన్న వెలుగు పూల దారేమరి సాగిపొమ్ము
త్వరితగతిన శిఖరమునే చేరుకొనుము ఓ పాపా!....
అమ్మ మాట తేనె ఊట విలువలెన్నొ కలిగుండును.
అమ్మయన్న మరో బ్రహ్మ తలచుకొనుము ఓ పాపా!
నేటితరం ఆడపిల్ల అపరకాళి కావాలీ
కోటికలల హరివిల్లును కోరుకొనుము ఓ పాపా!
