ఓ_మనసా

మాటల వెనక భావాన్ని దాస్తావు

మాటలకందని మౌనాన్ని మోస్తావు

కన్నీటి వెనక వెతల్ని దాస్తావు

పన్నీటి వెనక కథల్ని మోస్తావు

చెప్పుకోలేనంత బాధని నీలో దాస్తావు

చెప్పలేనంత ప్రేమని నీవే మోస్తావు

అనుభవాల దొంతరలను నీలో దాస్తావు

ఆనందాల సంచితాలను నీవే మోస్తావు

కోటి కోరికల కోటలను నీలో దాస్తావు

కోపతాపాలను, తీపిమోహాలను నీవే మోస్తావు

ఆవేదనలను,ఆరాటాలను,ఆస్వాదనలను అలవోకగా నీలో దాస్తావు

ఆశలను,ఆశయాలను,ఆలోచనలను అలుపెరుగక నీవే మోస్తావు

నీవొక

జోలపాటల పసిపాపవా లేక జోరుగాలుల జడివానవా?

అక్షరాలు నిక్షిప్తమైన పుస్తకానివా లేక పుస్తకాలు నిక్షిప్తమైన ఓ గ్రంధాలయానివా?

లేక..అక్షరమే ఎరుగని ఓ శ్వేతపత్రానివా?

ఏ పేరున నిన్ను తలవాలో చెప్పవే ఓ మనసా!!

 

శ్రీ..✍️