జీవితం.. రంగస్థలం

బంధాలన్నీ బూటకమే

మనుషులంతా నటనే

బ్రతుకంతా నాటకమే

జీవితం రంగస్థలమే..

ఎందుకోసం ఈ ఆరాటం

దేనికోసం ఈ పోరాటం

తెలియని ప్రయాణం

చేరలేని గమ్యం..

ప్రతిక్షణం ఆందోళనే

అనుక్షణం ఆవేదనే

అర్ధంకాని పరిచయాలు

అర్థంలేని అపార్ధాలు..

అరక్షణం ఆవేశం

మరుక్షణం ఆరాధన

పదే పదే క్షమాపణలు

పరిపరి విధాల తిరస్కారాలు..

ఏంటో జీవితం

అర్ధమైనట్టు ఉంటుంది

అర్ధం కానట్టు అనిపిస్తుంది

అర్ధమయ్యేలోపు ముగుస్తుంది..

బంధాల నడుమ మనసులు

బంధీ అయిన జీవితాలు

బరువు,బాధ్యతల నడుమ

ప్రతి గడియ యుద్ధమే..

శ్రీ..✍️