నువ్వు నా కోసం రావాలంటే..

నా ఆశలు, ఆశయాలు 

ఈ ప్రపంచానికి తెలియక పోవచ్చు 

తప్పులేదు...

నా ప్రపంచం అయిన నీకే తెలియకపోతే ఎలా??

అర్థం చేసుకుని ఆసరా కావాల్సిన నువ్వే 

వెనకడుగు వేసి వెక్కిరిస్తే

క్షణం అయినా ఉపిరి నిలవగలదా !!

వెళుతున్నాను..

నువ్వు నాతో కలిసిరావు అని తెలిసినా

నేను వెళ్లే దారిలో మన జ్ఞాపకాలను 

నాటుతూ వెళుతున్నాను...

నువ్వు నా కోసం రావాలంటే 

నీకు దారి తెలియాలి కదా!!!