నిండు పున్నమి వెన్నెల

 నిండు పున్నమి జాబిలున్నా మసకబారెను తారలెందుకు 

గాలితెమ్మెర వీయుచున్నా విసుగుచెందెను తారలెందుకు 

వెండి వెన్నెల వెలుగు ఛాయలో

కలువ భామలు మురియుచున్నవి

సఖుడు చెంతనె చేరియున్నా అలకబూనెను తారలెందుకు 

మురిసి చకోర పక్షి  తేనెలు గ్రోలి మోదము యెంతొ పొందెను 

సుధాకరుడూ చేరువైనను మురువకుండెను తారలెందుకు 

గండుకోయిల  కూసి పాడితె మధూమాసము పులక రించెను

'రాజు' తళుకుల సొగసు చూసిన మెచ్చకుండెను

తారలెందుకు 

రేని కోసం వేచి చూసెను వన్నె చిన్నెల ఆభిసారిక

ఎదుటె కాంతుడు పిలుస్తున్నా పలుకకుండెను తారలెందుకు 

నిదురమానిన మధువు కీటము పూల చెలులతొ ఆడుతున్నది 

చెలుడు సరసము లాడుతున్నా

నిందలాడెను తారలెందుకు 

"మధు"ర రవళులు మెచ్చనొల్లని గగన సుమములు కినుక బూనెన..?

మేలి గంధము 'రాజు'మేనుల అలదకుండెను తారలెందుకు..?