నీవు లేకుంటే ఎడారే ..!

నా ఊహల్లో నువ్వు ఆనాడు ఉదయించాక ,

అనుభవంలో ప్రతిరోజూ కొత్తదనమే .

ఆశలను పెంచే అద్భుతమైన ఆనందమే .

నీతో జీవితంలో ...

ఆకాశంలాంటి ఒక విశాలమైన హృదయాన్ని ప్రేమిస్తున్నా .

సెలయేరులోని గలగలలను నీ మాటల్లో వింటున్నా .

పువ్వులో కనిపించే మృదువైన దరహాసాన్ని చూస్తున్నా .

నీవు నాతో లేకుంటే ...

జీవంలేని ఎడారిని తలపించదా ప్రేమను పంచే ఆ రూపం !

ఎండమావిలా మారదా నా అందమైన కలల ప్రపంచం !

అందుకే ,

ఉండిపోవా ఎప్పుడూ నా నువ్వు ఎదురుగా కనిపిస్తూ !

నా గుండెచప్పుడుకు ప్రాణం నిరంతరం పోస్తూ !!