నీతోనే ..!

సుఖం వేసవివేడిని తట్టుకునేలా

పైరగాలి వీచినపుడు ,

చలికాలంలో వెచ్చదనానికి రవికిరణాలు

తనువును మృదువుగా తాకినపుడు .

సుఖం అంటే ... ప్రేయసి కనులు

ప్రియుని పిలుపుకు స్పందించినపుడు ,

కౌగిలిలో ఒదిగి

తమకానికి గమకాలు కూర్చినపుడు .

మనలో యవ్వనం గువ్వలసవ్వడిలా ,

గుర్రాల పరుగులా .

పొంగే నదిలా , ఉప్పొంగే సంద్రంలా .

కమ్మని కలలా ,

ఓహ్ ... తియ్యతియ్యని ఊహలా .

నీవు నా గుండెలోని రవళి ,

నీ తలపు వేయిదివ్వెల దీపావళి .

నీ సొగసులు ఆరావళి ,

హొయలేమో చూడచక్కని నాగావళి .

నీవు గోముగా ' ఊ ' అంటే ,

నీపాటే పాడే వేణువునౌతా !

కాదంటే , ఎడారిలో ఇసుకరేణువునౌతా !!