నీకోసమే వేయికనులు

నీకోసమె వేయికనుల..చూస్తున్నది పూలపాన్పు..!

నీ తియ్యని కబురులెన్నొ..చెబుతున్నది పూలపాన్పు..!

కలవరమే లేనిచోటు..వరములైన కలలెన్నో..

చెప్పలేని యాతనలను..పడుతున్నది పూలపాన్పు..!

నిదురరాని రాత్రులతో..దోబూచుల గొడవేమిటొ..

చూపలేని నిప్పులెన్నొ..దాస్తున్నది పూలపాన్పు..!

మనసంతా నీ తలపుల..జాతరేగ అనుక్షణం..

ఈ గాజుల గలగలలను..వింటున్నది పూలపాన్పు..!

వసంతాల సంబరాలు..జ్ఞాపకాల తోటలోన..

చెలి పెదవికి మెఱుగులెన్నొ..పెడుతున్నది పూలపాన్పు..!