నీదరి చేరనీవా ?

నేను ఒంటరిగా

  ఈ ఆకాశం క్రింద ఎన్నోరోజులు గడిపా ,

ఊహల్లో తేలి

  ఆశించిన ప్రపంచాన్ని చూశా .

మనిషి తీరే నిజానికి అదేమో ,

కావాలనుకున్నది

  అందేదాకా మోహమనే దాహమేనేమో !

అలా ఉంటే , చిరుగాలి గుసగుసలు ,

  ప్రియురాలి మిసమిసలు .

పువ్వుల సుగంధాలు ,

  ప్రేమికులమధ్య ఏర్పడే బంధాలు .

కదిలే మేఘాలు ,

  కలసిపాడే ప్రియతమ రాగాలు .

ఎంతబాగా కళ్ళెదుట విందు చేస్తాయో ,

ఆ ఆనందాన్ని పొందకపోతే

  విలువైన సమయమెంత వృథాయో !

సురభామినివై నాతో నర్తిస్తావా ?

  రథంపై తోడుగా విహారమే చేస్తావా ?