కొమ్మచాటు కోయిల

ప౹౹

కనుగొన్నానులే నీలోని ఏదో వింతను

అనుకొని ఆక్రమించి ఆ మనసంతను ౹2౹

ప౹౹

పూదారి పున్నమిలో వెన్నెలతో కలసి

గోదారి జడితో వెండి వెలుగల్లే వెలసి ౹2౹

వరాల జల్లై వర్షించి వరసా మరపించి

వివరాలూ చెప్పక ఆసక్తిని తానే పెంచి ౹ప౹

చ౹౹

కొమ్మచాటు కోయిలై కొత్తగా వినిపించే

రెమ్మపాటురాగమై రెక్కలిప్పి కనిపించే ౹2౹

తొలకరి పొద్దులో తొడిగిన ఓ పూవులా

గడసరి ఆశల గలగల తెచ్చిన నవ్వులా ౹ప౹

చ౹౹

కోరికేమో మదినంతా మంటలు లేపగా

చేరికతో చెలిమి పెరిగి చేతులు చాచగా ౹2౹

దాచేసిన అందాలను దగ్గరికి చేర్చలేవా

చూసేసిన నయగరాలే తృష్ణ తీర్చలేవా ౹ప౹