చెలిమి

ప||

చెలిమి లోని తీపి గర్తులే దాయవా గుట్టుగ

జ్ఞాపకాల అరలో గుంభనంగ పేర్చవ గట్టుగ

| 2|

చ||

నిన్నరాత్రి నిన్నూ చూస్తుంటే ఏదో జరిగింది

కొత్త మైత్రితో మనసేమో మంచల్లే కరిగింది |2|

ఎరక్కపోయి ఎదురొచ్చి ఎదా రేపే గుబులే

అదేమన్న బదులుగ ఆ పొసగనీ జవాబులే

|ప|

చ||

మనసంతా రణమాయే తెలియకా కారణం

మళ్ళీమళ్ళీ వచ్చునా ఈ వింతైన తరుణం |2|

నువ్వు అవునంటే తీరుస్తా ఈ జన్మ రుణం

కాదంటే ఇప్పుడే ఇక నా పరిస్థితి దారుణం

|ప|

చ||

చేరివచ్చిన చెలిమిలో తీయదనం చెరిసగం

కోరివచ్చిన కొంటెతనం కోరెగ మరో యుగం |2|

హాయినిచ్చిన ఊహలు చూపెగ కొత్త లోకం

వేయిపదులే ఎదిరిచ్చినా కల్గునా ఆ సుఖం

|ప|