నీ నవ్వు లో పూలవాన

నీ నవ్వుల పూలనావ..ఇచ్చి పోయినావు కదా..!

విరహమనే కడలినడుమ..వదిలి వెళ్లినావు కదా..!

నీ నల్లని కురులనీడ..పొదరిల్లుగ భావింతును.. 

మదిలోయల పెనుచీకటి..నింపి మరలినావు కదా..! 

ఈ వసంత హేల ఎంత..హేళన చేస్తున్నదోయి.. 

నా వాలని కన్నుదోయి..చేరి ఆగినావు కదా..! 

చెలిమిపూల తోటలోన..గాలిలేని వాన నీవు.. 

ముఖ్యఅతిథి లాగ తొంగిచూసి జరిగినావు కదా.! 

అసలు ప్రేమ గగనమంటె..నీ మనసే ఓ చెలియా.. 

వస్తావను చిన్ని ఆశ..నిలిపి ఉంచినావు కదా..!