నా మౌనం

నా మౌనంలో తీయని బాధుంది

నిను బాధించనన్న భావనుంది

నువు సుఖంగా ఉంటావన్న ఆశవుంది

అంతా నాస్వార్ధం అందుకే నా ఈ మౌనం

నా మౌనంలో తెలియని కోతవుంది

నీ నవ్వు చెదరదన్న ఆకాంక్షుంది

నీ బ్రతుకున పువ్వులునిండాలన్న కోరికుంది

అంతా నాస్వార్ధం అందుకే నా ఈ మౌనం

నా మౌనంలో తీరని ఆశుంది

నీ బాటన ముళ్ళుండవనిపించింది

నీ వయసంతా వసంతమనిపించిది

అంతా నాస్వార్ధం అందుకే నా ఈ మౌనం

నా బ్రతుకును నే మార్చుకున్నా

నా ఆశలు నే మింగుతున్నా

నీ సుఖమే నే కోరుకున్నా

అంతా నా స్వార్ధం అందుకే నా ఈ మౌనం...