నీ చూపుల భాషలు

నీ చూపుల భాష చదువు..చదువేదో నేర్పవా..! 

నా మదినే నినుచేరే..ప్రేమనదిగ మార్చవా..! 

మధువుతాగు వేడుకయే..వరమిచ్చిన నెచ్చెలీ.. 

వేడుకొందు లోనివెలుగు..తీగసాక్షి నిలుపవా..! 

కాలమాగి పోయేలా..చేసినావు చిత్రమే.. 

ఈ మసీదు మందిరాల..గొడవలింక తీర్చవా..! 

స్నేహానికి అసలర్థం..తెలియజెప్ప లేనులే.. 

ప్రాణదీప పూలవీణ..తంత్రులలో చూడవా..! 

మాటలెంత గమ్మత్తుల..మత్తులోన ముంచునో.. 

గుండెచాటు మౌనసాక్షి..జాడ కాస్త పట్టవా..! 

గోపురాన వాలి ఎగురు..గువ్వలాంటి మనసేది.. 

ఏ జండా ప్రేమవిలువ..తెలుపగలదొ చెప్పవా..!