నెరజాణ
నెరజాణ
హే నెరజాణ,నిను చూసిన నిముషాన
వందల కొద్దీ కవితలు మెదిలే మదిలోన.
ఓయ్ నెరజాన ,నిను తలచిన నిముషాన
లెక్కలేనన్ని నవ్వులు నిండెే అధరాన.
నీదే ఊరైనా,దూరం ఎంతైనా
ఉరికిఉరికి వచ్చేసెయ్నా మైనా ఏమైనా .
నీకలలకు వంతెన వేసేస్తా,కన్నీళ్లను కట్టడి చేసేస్తా
మల్లెలతో మాలలు కట్టేసి,నీ జడకే వాటిని కప్పేస్తా
పల్లకిలో ఊరేగిస్తా,నా రాణిగ నిను చూపిస్తా
కనుబొమ్మలొ నిను దాచేసి,ఆ కునుకుని వద్దని విసిరేస్తా.
ఏలోకాన్నైనా ఏ రాజ్యానైనా
కలగననేలేని,సామ్రాజ్యాన్నే సృష్టిస్తానే మైనా ఏమైనా
కష్టం లో కౌగిలినౌతా,విజయం లో వేడుకనౌతా
నామదిలో కోవెల కట్టి,దేవత లా నిను పూజిస్తా
కన్నోల్లని గుర్తుకుతెస్తా,నాలో ప్రతిబింబించేస్తా
చంటిపాపలా చూస్తా,నీ కంటిపాప నేనౌతా
జంటై నీతో కలిసి,నా ఇంట వెలుగులే నింపేస్తా.
ఏ జన్మనైనా,ఏ జంటకైనా
ప్రేమంటే మనదేనంటూ వినిపించేలా చెప్పేస్తానే మైనా నామైనా