నేస్తమా

నేస్తమా

అని పిలువగలనా ఇక ఎప్పటికయినా

సముద్రమంత దూరం మన మధ్యన

అది కరిగేనా

పొరపాట్ల వల్ల కలిగిన ఈ ఎడబాటు తొలగి

కాలం నన్ను నిన్ను కలిపేనా

ఇక ఎప్పటికీ నీకు కనిపించనంత దూరం వెళ్ళిపోతున్నా

అయినా

ఒక్క పలకరింపుకు కూడా నాకు అర్హత లేదా

ఒక్క చల్లని ఆత్మీయ స్పర్శ కూడా నేను పొందకూడదా

అంతేనా

జీవితమంటే ఇంతేనా

విధి ఆడే ఈ వింత ఆటలో

అన్నీ తెలిసినా మనం ఇలా విడిపోవాల్సిందేనా

నే నీ కోసం వంద అడుగులు వేశాను

నా కోసం ఒక్క అడుగు వేయలేవా

నా వైపు నడవలేవా

ఒక్కసారి ప్రేమతో పలకరించలేవా

స్నేహాన్ని గెలిపించలేవా