నేనేమి చేశాను నేరం

నేనేమి చేసాను నేరం 

ఏమిటి నీ దౌర్జన్యం 

చరవాణి వచ్చాక

చదువులు శూన్యం 

నా ఊసే లేదంటూ 

గొల్లుమంటోంది గడియారం

కెమెరా, కాలిక్యులేటర్ 

వంటి ఎన్నో వస్తువులు 

ఉనికి కోల్పోయి 

ఉసూరుమంటున్నాయి

బానిసైపోయింది భావితరం 

వదలలేమంటోందియువతరం 

ఓ సెల్ ఫోన్ ఏముంది నీలో

అంతటి మాయ 

మునిగిపోతున్నారు

నిముషమైనా వదలక 

పనులందు,చదువులందు

వెనకబడిపోతున్నారు

చిన్నా పెద్దా అందరూ

నీతోనే వ్యాపకం

నేనయ్యాను ఓ జ్ఞాపకం 

కథలు చదివే తీరిక లేదు 

విషయ పరిజ్ఞానం పట్ల 

తెలుసుకోవాలనే ఆసక్తి లేదు 

నీ చుట్టూ తిరుగుతోంది 

ప్రపంచమంతా

ఏమిటో ఈ వింత ...