నాట్యరాణి

అందానికి రతీదేవిలా

నాట్యకళలో ఊర్వశిలా

నటరాజుకి శిష్యురాలిలా

మదిని దోచే నాట్యరాణిలా

నీ అందమే మదిని దోచేను బాలా

నినుచూసి నీపై మరులు కొంటి బేలా

శరాఘాతములే నీ చూపులు

మరేల బాలా, ధనుర్బాణాలు

వశము చేసెనే ముక్కంటిని నీ సుమశరాలు

ఏల బాలా మాపై, వాలు చూపుల తూపులు

సుమశరుని పై చూపుమా నీ మరులు

తాళగలమా మేము నీ శరాఘాతాలు

ఆచ్చెరు వొందిరచ్చరలు నీ నాట్యము గని

మానవ మాత్రులము, మేమెంతవారమని

నిను గని పరవశమందె మా మానసములు,

ఓ నాట్యరాణీ, నీకు శతకోటి వందనములు.