నా వలపు దీపాలు

నా వలపుల దీపానికి నీ ఊసే ఊపిరి కద..!

గుండెలయల స్వర్గానికి నీ తలపే ఊపిరి కద..!

మనసుతలుపు మూయలేను కలనైనా నీవు రాక..

ఈ మల్లెల రాజ్యానికి నీ స్పర్శే ఊపిరి కద..!

వెంటాడే విరహాలకు విరహగంధమిచ్చేవే..!

నులివెచ్చని మేఘానికి నీ ఊహే ఊపిరి కద..!

మెరుపుపూల వనమేదో వరమైనది నీ చలువన..

ఈ వసంత నాట్యానికి నీ వెలుగే ఊపిరి కద..!

సమయమాయ ఏమున్నది సాక్షియైన వేళలలో..

అమృతవరద కాలానికి నీ పథమే ఊపిరి కద..!