మరొక్కసారి కానరావా

మరొక్కసారి కానరావా!

మేఘమై మెరిసి వస్తావు

వెన్నెలై వెలుగునిస్తావు

వర్షమై హాయినిస్తావు

తొలకరి పులకరింపువో

తొలిసంధ్య కిరణ రేఖవో

ఆ నింగి నక్షత్రానివో

ఈ నేల మేలి ముసుగువో

కనుల కొలనులో కమలమై

కంటి పాపపై చిత్రమై

హృదయ వీణపై రాగమై వచ్చి

మదిని దోచిన ప్రియతమా!

ఎన్ని దినాలుగా వేచి ఉండేది

ఆ నవ్వుల నజరానా కోసం

ఆ పువ్వుల జల్లులు కోసం

ఆ మువ్వల సవ్వడి కోసం

ఆ ముత్యం మురిపెం కోసం

ఒక్కసారి మరొక్కసారి నీ

రాక కోసం...లేఖ కోసం

దిక్కులు చూస్తూ దిక్కుతోచని

నీ చకోర పక్షి ఆశలు తీర్చ

మరొక్కసారి వచ్చి పోవా

నా కళ్ళకు కాంతి తేవా!!!