మనిషి బ్రతుకు మాయరా

మనిషి బ్రతుకు మాయరా... ఓ నరుడా...
మమతలన్నీ నీడరా... ఓ నరుడా...
మట్టిలో పుట్టిన ఈ దేహము... మట్టిలోనే కలిసేరా...
ధర్మమే నీ తోడురా... సత్యమే నీ దారిరా...

వచ్చినప్పుడు తెచ్చినదేమీ లేదు...
వెళ్లినప్పుడు తీసుకెళ్లలేవు...
కాసుల కోసం కరిగే బ్రతుకా...
కాలమొస్తే క్షణంలో పోదురా...

మేడలు కట్టి మురిసినా ఏమి...
మేడలో మనిషి శాశ్వతం కాడు...
పేరు ప్రతిష్ఠలు గాలిలో కలిసే...
పుణ్యమే నీ వెంట నడిచేదిరా...
తల్లిదండ్రుల సేవే తీర్థం...
గురువు మాటే వేదమురా...
ఆకలిగొన్న వానికి అన్నం పెడితే...
అదే పరమపద మార్గమురా...

కోపమనే అగ్నిని ఆర్పుమురా...
లోభమనే గొలుసును తెంచుమురా...
ప్రేమతో నడిచిన ప్రతి అడుగు...
పరమాత్మకు పూజయురా...
శివనామమే శ్వాసగా జపించు...
రామనామమే రక్షగా నిలుపు...
హరినామమే జీవన నావ...
భవసాగర తీరమురా...

మనిషి బ్రతుకు మాయరా... ఓ నరుడా...
మమతలన్నీ నీడరా... ఓ నరుడా...
ధనం కాదు... ధర్మమే మిగులురా...
దేహం కాదు... దైవమే తోడురా...
చేసిన మంచే చిరకాలం...
చెరగని తత్వమై నిలిచేదిరా...