మల్లెమొగ

మల్లెమొగ్గ పాడుతున్న..రాగమేగ అనురాగం..!

చెలిచెక్కిలి సిగ్గులలో..మౌనమేగ అనురాగం..!

ఆశపడే ఆరాటపు..వేడుకలో కలలెన్నో..

మాతృత్వపు ఊయల వైభోగమేగ అనురాగం..!

మనసులోని ముచ్చటలను..తిలకించే సందడిలో..

విరహగీత సౌరభాల..గానమేగ అనురాగం..!

భావనలకు సాక్ష్యమైన..వీణ కదా ఈ తనువే..

సమ్మోహన వసంతాల..సరసమేగ అనురాగం..!

ఆదర్శపు రథము నడుపు..ఆశయాల ఛర్నకోల..

కోర్కెచుట్టు అల్లుకున్న..మోహమేగ అనురాగం..!

సత్యమింత నీ గజలున..పొదిగేవో 

అక్షరాల వెన్నెలతో..బంధమేగ అనురాగం..!