మేలుకో

హేయ్ నా అల్లరి వయస్సా..

నేను ఏదో చేస్తూ గెంతులేస్తాను

నువ్వు మాత్రం పట్టనట్లుంటావు

బాల్యాన్ని లాక్కుని నవ్వగలవు

నా పసిమనస్తత్వాన్ని ఏం చేయలేవు!

ఓయ్ తెలుసుకోవే వెర్రి మనసా..

ప్రతీ మాటకు సమాధానం ఉండదు

ప్రేమించే ప్రతీ మనసు నిర్మలం కాదు

ప్రతిప్రాణికీ ఏదోక పిచ్చి ఉండక తప్పదు

అలాగని ప్రతీ ఒక్కళ్ళు పిచ్చివారు కాదు!

హాయ్ నీ ఆలోచన్లు నీకు అలుసా..

మౌనంలో మతలబులు లేవనుకోకు

నవ్వేవారికి లోతుగాయాలు ఉండవనకు

తరచుగా నీతో తగువాడి అలిగి కోప్పడితే

వారిది సిసలైన సంబంధంకాదు పొమ్మనకు!

ఒసేయ్ నిర్ణయాలు నీటిబొట్లు తెలుసా.. 

కంటికి కనబడే వారందరూ చెడ్డవారు కారు

విన్నమాటలు చూడని సత్యాలుగా మారిపోవు

తైలము తగ్గి వెలుగుతున్న దీపం ఆరిపోవచ్చు  

ఆరితే తడవతడవా తప్పు గాలిదని నిందించకు!