మదిలో ఉన్న నువ్వు

మదిలో ఉన్న నువ్వు

ఎదపై చేరేసరికి

ఏం మాట్లాడుతున్నానో

ఏంటో...

పచ్చిగా ప్రవర్తిస్తున్నానో...

పిచ్చిగా ప్రేమిస్తున్నానో

కానీ నాలో నీపై ప్రేమనంతా

నీ ముందు ఉంచేందుకు

మది సంద్రంలో ఎగిసిపడే ఆలోచనల అలల మధ్య

నిశ్శబ్దంలో మన మనసులు మాట్లాడుకునేందుకు

వీలుగా నాలో బంధించిన ఊహలను

స్వేచ్ఛగా విహరించేందుకు అనుమతి యిచ్చానేమో

వెచ్చని‌ నీ కౌగిలిలో

నన్ను నేను మరిచిపోయి

నువ్వే లోకంగా...ప్రేమ భావనను

ఆపాదమస్తకం అణువణువు పులకించి పోయేలా

ఆస్వాదిస్తూ... ఎప్పుడు రుచి చూడని

సరికొత్త ప్రణయ ప్రయాణపు

ఆనంద విహారంలో...

విరహానికి విమోచనం కలిగిస్తూ...

ఏకాంత హృదయాల ఆకాంక్ష తీర్చేలా

అద్భుత క్షణానికీ ఆహ్వానపు స్వాగతం పలుకుుదాం