మౌన రాగం

మౌన రాగం
నీ కనుల చిరునామాలో
నేను మర్చిపోయిన నా జాడను వెతుక్కుంటున్నాను...
నీ నుదుటి కుంకుమ తిలకం,
నా బ్రతుకుకు దిశానిర్దేశం చేస్తున్నట్టుంది!
నీ చిరునవ్వుల కదలికలో
ప్రకృతి కూడా సిగ్గుపడి తలదించుకుంటుంది,
నీ మెడలోని మంగళసూత్రపు మెరుపులో
నా జీవితపు ఆశలన్నీ అల్లుకుపోయాయి!
మాటలకందని మౌన రాగమవుతున్నావు,
మనసుని మెల్లగా తాకుతున్నావు,
ఈ అందమైన క్షణాన... నీ కళ్లలో నన్ను చూసుకుంటూ,
కాలం ఆగిపోతే బాగుండు అనిపిస్తోంది!