లేఖా వ్యసనం

ప౹౹

రాస్తున్నా ఈ లేఖనూ ఎంతో సహనంతో

పంపిస్తున్నాలే నీ కోసం అదే వ్యసనంతో ౹2౹

చ౹౹

ఎన్నిసార్లు రాశానో ఏమరక చెప్పగలవా

అన్నిసార్లూ మౌనానికి అర్థం విప్పగలవా ౹2౹

బదులిచ్చేందుకు బ్రతిమాలించుకోవాలా

బడలిక వదిలించను ఏమైనిచ్చుకోవాలా ౹ప౹

చ౹౹

మళ్ళీరాస్తున్నాలే మనసు సరిచేసుకోను  

తుళ్ళిపడే ఆలోచనలే నినే పెనవేసుకోను ౹2౹

కోరికనేమో మరలా కొత్తగానూ చెప్పలేను

ఊరికే రాసేసి మదినీ నేనూ ఒప్పించలేను ౹ప౹

చ౹౹

కనుచూపుమేరలోనైన కనిపించి పోరాదా

మునుమాపువేళకైన మురిపించ రారాదా ౹2౹

నా కళ్ళ ముందే కనువిందు చేసేయరావా

లేఖా వ్యసనాన్ని ముగింపే పలికించరావా ౹ప|