కుహు కుహు

ప౹౹

కుహూ కుహూ కులుకలేలా ఓ కోయిలా

ఓహో ఒహో నవ వర్షం వచ్చేనని యిలా ౹2౹

చ౹౹

మారు పలికినందుకే మరులే పెరుగునా

ఏమారి పిలిచినందుకే ఎదనే కరుగునా ౹2౹

కలిసి పాడిన రాగం కఠినమైన కానిమ్ము

తెలిసిచేసిన చెలిమిలో తీపి చెరిసగము ౹ప౹

చ౹౹

కొండకోన ఏకమై కోటి వరాలే పంచి పెట్టే

కొత్త సంవత్సరం కోరికలతో వచ్చె యిట్టే ౹2౹

ఏమిటేమటో వింత పోకడలే ఎదురాయే

ఒకటేమిటీ వళ్ళంతా ఏదో తుళ్ళింతాయే ౹ప౹

చ౹౹

మంగళవాయిద్యం ఆమనిలా ఆవహించే

రంగుల వైభవం నయనాలెంతో ఊహించే ౹2౹

వచ్చేను వచ్చేనూ వరదలా పొంగి హర్షం

తెచ్చేను తెచ్చేనూ మదిలో ఈ నవ వర్షం ౹ప౹