కథానాయకి !

ఆ పుస్తకంలో వర్ణించబడిన నాయకి

పాఠకులకు పరిచయమయ్యే వేళకి

ఒక యుక్తవయస్కురాలు .

ఆమె ప్రవేశంతో అందరిలో

పేజీలు వేగంగా కదలాలనే ఉత్కంఠ .

బాలలకు తమతో ఆడిపాడే

మరో సోదరి ఆ పాత్రలో కనిపిస్తోంటే,

యువకుల్లో అపూర్వమైన అందచందాలను

చూసి ముగ్ధులవ్వాలని , ఊహాప్రపంచంలో

కాసేపు మైమరచి విహరించాలని .

వృద్ధులకేమో వారి యవ్వన విశేషాలను

జ్ఞప్తికి తెస్తూ , ముఖాల్లో ఆనందం తాండవిస్తూ !

వేచియున్న కథానాయకుడు

పరిమళభరిత , రంగురంగుల పూదోటలో

ప్రకృతి సౌందర్యారాధనలో .

అంతలో , నెమలిలా నడచి వచ్చిన చెలియ

ప్రేమను కురిపించే చల్లని చూపులతో .

ఇరువురూ వెచ్చని హృదయాంతర ఊసులు

పెల్లుబికే సన్నివేశంలో ...

సూర్యుడు ఎప్పటిలా సంధ్యాసమయంలో

ప్రేమజంటలకు

నీలిమబ్బుల నీడలో

ఆహ్లాదాన్ని కలిగించే తారల వెలుగులోకి

జాబిలి రాకను స్వాగతిస్తూ ..!