కొత్త కోరిక

ప౹౹

కోరికా కొత్తగా ప్రారంభమయేను ఇంపుగాను

తీరాక పాత ముగింపూ చూపు సొంపుగాను

౹2౹

చ||

నవ్వించే నయనం పెంచేనుగ కొత్త కోరికలు

కవ్వించే తరుణం కోసమే వేచే అభిసారికలు |2|

మనసంతా వలపు మయమేగ ఈ సమయం

సొగసంతా ఎక్కి సాగెనే ఆ తలపుల హయం |ప|

చ||

పన్నీటి పలుకులే పులకరింతలై పురి కొలుప

సన్నటి కులుకులే సరి గమలై మదినే నిలుప |2|

ఎంతటి హాయి కలిగెనో ఈ మంద గమనమే

అంతటి కూరిమి గాలిలోతేలే చంద్రయానమే

|ప|

చ||

అధరం దాటి తేనెలజల్లు కురిసే కొత్త పలుకు

మధురం నిండి తనువే చూపే మత్తు కులుకు |2|

ఈనాటిదా ఈ బంధం కొత్తగా ప్రారంభించను

అది ముగింపేలేని పాతకథే మరి పరికించను

౹ప౹