కోయిల కూసెనే...

ప||

ఓ కోయిల ఆ కోనలో ఎందుకో కూసెగ

ఏమారిన ఎదలో ఏదో మెరిసెగా ఆశగ|2|

చ||

కుహు కుహు రాగాలే కోలాహలమయే

మనుసులో నిండుగ కుతూహలమయే|2|

కొత్త నాదాలే కోటిగా సాగి కోరికే కోరినే

కొంటె నినాదాలే ఒకటిగ మదినే చేరినే |ప|

చ||

రెమ్మ చాటున కొమ్మపైన నవకూజితం

కమ్మనీ గీతంలా పంచెనే రాగసంచితం |2|

తెరల పొరలు కరిగి ఆ తీపి జ్ఞాపకాలు

తెగువే తెమ్మెరై తెచ్చే కొత్త వ్యాపకాలు |ప|

చ||

ఎన్నడెరుగనీ ఆనందము ఆవహించగ

సన్నిహితమై ఆ చెలిగాలే ప్రవహించగ |2|

రాగరంజితం మధుర హృదయ నాదం

కోకిలకూజితం ప్రేమకై ఓ ప్రణయవేదం|ప|