కోరి రాస్తున్నా...

ప౹౹

కోరి రాస్తున్నానూ ఓ కోమలి మెచ్చేందుకు

మరిమరీ ఆ మనసుకు చాలా నచ్చేందుకు ౹2౹

చ౹౹

ఉత్తరంగా రాస్తున్నా ఊహలు పంచేందుకు

చిత్తరువుగా తీర్చిదిద్దనా తీరే పెంచేందుకు ౹2౹

ఉత్తరమంటే వట్టి ఊసులేనా తొలగించను

చిత్రమైన చిరుదీపమే మదిలో వెలిగించను ౹ప౹

చ౹౹

అక్షరాలనే ఆకురాయిగా మలచుకొనీ మరీ

చక్షువులనే చకోరములా పిలుచుకొని కోరీ ౹2౹

అందమైన భావాలూ అధరాలతో సరిపోల్చ

సుందరమైన వలపు సునామి ఎదనే రగల్చ ౹ప౹

చ౹౹

చిన్నకోరికా చింతనిప్పల్లే ఎడదనే వేధించగ

ఉన్నమాట చెప్పి ఉత్తరమేగా ఆస్వాదించగ ౹2౹

అందుకే...

చెక్కిచెక్కి రాస్తున్నాలే భావాలనూ శిల్పంలా

చెక్కిలిని ఆ అధరాన్నిచేసి పలకాబలపంలా ౹ప౹