కమ్మని కల

ప౹౹ 

కవ్వించకు కనులతో అసలే వయసూరుకోదు 

ఝళిపించకు ఆ అందాలతో మనసూరుకోదు ౹2౹

చ౹౹ 

కలలో కమ్మని కలలో తీయని గీతం విన్నాను 

వలలో వలపు వలలో చూడక చిక్కుకున్నాను ౹2౹

తేరపార చూడనీదుగా తెలియని ఆ మైకమూ 

తేరుకొని వివరించనీదుగా వింతల మోహమూ

౹ప౹

 చ౹౹ 

ఊరకలా వచ్చిపోకు ఉడికించేసి ఉన్న ఎదను

 ఊరికినే మర్చిపోకు చేసేసిన గాయాల కథను ౹2౹

నడక నడకలోను అరే ఆ నడుం ఊపులోనూ 

ఉడక ఉడక రేపేసే మరి మత్తెన చూపులోనూ

౹ప౹

 చ౹౹ 

ఎడద భావం ఎదురేగి చేరనీయదు చేరువునే

 బెడద భయం వ్యక్తపరచనీయదుగా వెరపునే ౹2౹

కోరికలెల్ల చీరికలై నాట్యమాడినే తనువుతోనే

 తారకలన్నీ తాంబూలమిచ్చెనూ అనువుగానే ౹ప౹