కాలి అందియలు..

ప్రియుని వెతికి

కౌగిలి పొందవలెనని

పాములు తిరుగాడే త్రోవలో

పచ్చని చెట్ల గాలులు

భయపెట్టే మెరుపులు

అన్నిటినీ దాటి

ఆ రహస్య స్థలం చేరుటకు

ప్రయాణిస్తూ ఉంది ఆ అభిసారిక

చటుక్కున తిరిగి చూసిన

కాలి అందియ విడివడినదని తెలిసి

అయిననూ ఆగక

ముందుకు సాగింది

జడివాన

గుండెల్లో హోరు 

అతడి తలపు

ఏది గెలుస్తుంది

చెట్ల కొమ్మలు పట్టుకుని

అడుగులో అడుగు వేస్తూ

ఆమె గమ్యాన్ని చేరింది

మరి ఆమె గమ్యం అతడేనా

అది అతనికి తెలిసేనా..