జీవితం

తెరలు తొలిగించమని

ఏ మబ్బుతెరలకు చెప్పాలి

నీగూడంగా దాగిన

రహస్యాలను ఏ సృష్టికర్త చెవిలో చెప్పాలి

మనస్సు పడే వేదనను

ఏ నెచ్చలితో కబురంపాలి 

కోల్పోయిన బంధాలు

ఎక్కడని వెతకాలి

ఎప్పటికి తిరిగిరానివి అని 

తెలిసి కూడా ఎందుకు ఈ సుడిగుండాలు సుడులుగా

మెదడులో తిరుగుతుంటాయి 

తనువంతా నిండి

ఆణువణువూ చెప్పాలి

అనుకునే చిన్న మాట ఒక్కటే

నాకెందుకు ఏశిక్ష

 అసలు నీకేమవుతానో

ఏబంధాలు ఎందుకు విడిపోతాయో

ఎందుకు కలుసుకుంటాయో

పదిలమైన బంధాలు యేవో

కానివి యేవో  తెలుసుకోలేక

ఎందకో ఈ వ్యర్థ కన్నీళ్ల కధ 

నిన్నటికి రేపటికి భ్యారేజు వేసుకుని

నిన్న కోల్పోయింది

నేడు లేదని బాధ పడలేక

నేటి అనందాలకు రేపటికి ఆపాదించలేక

సతమతమవుతూజీవించడమ మనిషితత్వమా