ఇపుడే

ప౹౹

గుండె తలుపులు తెరిచాక గుట్టు ఏముంది

మది తలపులు విరిసాక బెట్టు ఏమంటుంది |2|

చ||

ఎదురొచ్చిన సఖుడు ఇక నే వెళ్లి వస్తానంటే

కలిసొచ్చిన చెలిమి కాదని తిరిగెళతావుంటే |2|

కన్నె మోమూ కన్నీటితో కరిగి తరగదా వన్నె

చిన్నబోయిన మనసుతో చితికినట్లయె కన్నే

|ప|

చ||

ఎన్నాళ్ళని దాస్తావు ఎదలోనే ఉన్న ఆ కోరికే

ఎన్నేళ్ళని మోస్తావూ ఎదురు చూస్తూ ఊరికే |2|

కాగల కార్యం గంధర్వులేమి తీర్చరూ ఇక్కడ

చూడలేని గాంధారి అంధత్వం వద్దూ ఎక్కడ |ప|

చ||

మనసులోని మాట మూటగా విప్పు ఇపుడు

మనసైన వాడిని నీవాడిగా చేసుకో నీవెపుడు ౹2౹

ఓటమన్నది లేదులే ఆ నిజమైన ప్రేమకెపుడు

ఓటమి గెలుపూతెలియని అమరమే ఎపుడు ౹ప౹