ಲೈಬ್ರರಿ
ಪ್ರೊಫೈಲ್
ఇంకా
ఇంకా
1 min
4
ప్రమాణాల వెన్నెల తడి..ఆరలేదు ఇంకా..!
నీ చూపుల సంతకాలు..చెరగలేదు ఇంకా..!
కన్నులతో కొలువలేని..సోయగాల రాశీ..
నీ పూజకు పూవులేవి..దొరకలేదు ఇంకా..!
మాటలెల్ల ఆగిపోయె..గుండెసడికి వెనుకే..
మంత్రించిన నీ తలపే..చెదరలేదు ఇంకా..!
నీ వాడని నీడలోన..సేద తీరుటెపుడో..
ఈ వలపుల మల్లికలే..వాడలేదు ఇంకా..!
కలనుచెరిపి వెళ్ళావని..కలహించగ చూడను..
మనసుకింత నిగ్రహమే..చిక్కలేదు ఇంకా..!
మధురమైన ఏకాంతపు..సందడెలా తెలుపను..
పాడుకోగ పదములేవొ..దొరకలేదు ఇంకా..!
