ఈ సిగ్గులు

నీ సన్నిధి గాకుండా..ఒంపపలేను ఈ సిగ్గులు..! 

నవ్వుపూల వాహినియే..దాచలేను ఈ సిగ్గులు..! 

నీ తలపుల పూదోటగ..నా తియ్యని భావనయే..

విరహాగ్నికి బలిచేయగ..తలచలేను ఈ సిగ్గులు..! 

నీ ముంగిట రంగవల్లి..నా హృదయం ఎల్లప్పుడు.. 

హారతిగా నీకివ్వక..మోయలేను ఈ సిగ్గులు..! 

నీ పాటల సెలయేఱుగ..మారినాను ఏవేళనొ.. 

మదినేలే సరిగమలే..ఓపలేను ఈ సిగ్గులు..! 

కలువపూల పందిరిలా..మనసైనది చూపుటెలా.. 

లోవెన్నెల చిగురులోయి..చూపలేను ఈ సిగ్గులు..! 

వేదనలకు ఆవేదన..నాతోనే నీవుంటే.. 

నా శ్వాసల సాక్షులివే..నిలుపలేను ఈ సిగ్గులు..!