గ్రంథాలయం
ప్రొఫైల్
హృదయం
హృదయం
1 min
221
కాలాన్నే మధువులాగ..త్రాగుతోంది హృదయం..!
చెలిమదినే ఊయలగ..కోరుతోంది హృదయం..!
మౌనపు రుచి మాటలలో..నింపుకునే దెలాగో..
తన కమ్మని గాత్రంతో..పాడుతోంది హృదయం..!
వెన్నంటే నడుస్తున్న..చందమామ మనసేమొ..
తన స్నేహం మరువద్దని..తెల్పుతోంది హృదయం..!
చిక్కులెన్ని ఎదురైనా..తొలగించే జాణ కథ..
ప్రతిశ్వాసకు సాక్షి తానై..వెలుగుతోంది హృదయం..!
ఏ మెఱుపుకు ఏ గంధం..బహుమతిగా ఇచ్చునో..
శాంతిపూల వనమేదో..పెంచుతోంది హృదయం..!
