గుర్రాలకు కళ్ళెం

కాబోయే పెళ్లి కొడుకు

ఒకటికి రెండు గుర్రాలు కొన్నాడు

అదిలించబోయి బెదిరిన 

పరుగెత్తే గుర్రాలకు పోటీగా వెళ్ళాడు 

కళ్ళెం వేయాలని చూసాడు

కాలంతో సంబంధం లేకుండా

మచ్చిక చేయాలని ప్రయత్నించాడు

బాగానే ఉంది

బాగుంటుంది అనుకొని

ఒక గుర్రాన్ని ఎక్కి

మరో గుర్రపు కళ్ళెం చేతిలో ఉంచుకుని

ప్రయాణం ప్రారంభించాడు

గుర్రాలు ఏం అనుకున్నాయో ఏమో

చెరో వైపు పరుగెత్తి

అతణ్ణి మధ్యలో ఆపేసాయి

పెళ్లి మండపం వైపు

అతను నడక సాగించాడు

కోరికలు ఒక వైపు

మనిషి మరో వైపు

రెండు గుర్రాల్లా అనిపించాయి