గుండె సడిలో

గుండెసడితొ తగవులాడ..ముద్దువాడ తగునటనే..! 

కన్నులురిమి తరిమేవా..బెట్టువాడ తగునటనే..! 

నీ చెక్కిలి కెంత గొప్ప..మోమాటమొ ఎఱుపెక్కగ.. 

మదిలోయల పరవశించు..సిగ్గువాడ తగునటనే..! 

పరువాలను కవ్వించే..పైరగాలి నీ తలపే.. 

అలుకపూల వానలోన..సొగసువాడ తగునటనే..!

మధురమైన క్రీడావని..మనసేగా ఓ చెలియా.. 

జతకూడే వేళలోన..వలపువాడ తగునటనే..! 

నిప్పులనది ఈదులాట..ఎంత సౌఖ్యమిచ్చేనో.. 

జలకమాడు సందడిలో..తెఱలువాడ తగునటనే..!