గుండె గుబులు

తీయగా పిలిచినది నిజంగా ఆ స్వరమేనా

హాయిగా అనిపించే మదికి అది వరమేనా ౹2౹

చ౹౹

ఎక్కడిదో పిలుపూ ఏ విధంగా కనిపెట్టాలి

చక్కటిదే ఎదుటలేనిదే ఎలాగ పసిగట్టాలి ౹2౹

జావళీ ఎదురుగా పాడి వినిపించినట్లుందే

రసకేళీ రసభరితంగానూ మురిసినట్లుందే ౹ప౹

చ౹౹

కొండ కోయిల రాగంలా గుండెను తాకింది

నిండు కోరికయై మదిలో మంటగసోకింది ౹2౹

సమీపించిన సమీరమే సరసము పెంచగా

వశీకరించిన వలపే సమయమూ ఎంచగా ౹ప౹

చ౹౹

విడదీసిన బంధమే మళ్ళీ కలిపినట్లున్నదే

విరిచేసిన మనసూ బాగా అతికినట్లున్నదే౹2౹

ఎదలో తిరుగాడే గుండె గుబులు ప్రేమేనా

ఎలమి రాగాలే అలా పలికించింది ఆమేనా ౹ప౹