ఏమని రాయను

ప౹౹

ఏమని రాయను అహా ఎలాగని రాయను 

ఆమని ఊహను చేరలేదే ఏమని రాయను ౹2౹

చ౹౹

ఎద అయినా ఎందుకులే అని ఊరుకోదుగ 

మొదలయిన మోహమేమో దగ్గరే రానీదుగ ౹2౹

కల అలికిడి కలతే పెంచి కవ్వించి పోవునూ

చెలి కలివిడి చెదిరి చెరిపిలే వలపపూవునూ ౹ప౹

వెలసిపోయాక వెన్నెల అందాన్ని ఏమని రాయను

అలసిపోయాక ఆదమరచి మనసు ఏం చేయును ౹2౹

కానరాని కవచమేదో గుడ్డిగా చేసేసి కప్పివేసెనుగా

కనలేని అవసరమే కలిగి కలవరమై మసెలునుగా ౹ప౹

అక్షరాలనే ఆకురాయిగా మలచుకొనీ మరీ

చక్షువులనే చకోరములా పిలుచుకొని కోరీ ౹2౹

అందమైన భావాలూ అధరాలతో సరిపోల్చ

సుందరమైన వలపు సునామి ఎదనే రగల్చ 

ఏమని రాయనూ అహా ఎలాగని రాయను 

ఆమని ఊహను చేరలేదే ఏమని రాయను ౹2౹