ఏమి కోరలేదు

ప౹౹

ఏమి కోరలేదు ఎపుడు ఎదలోన చోటు తప్ప

భూమి ఆకాశం అడగలేదే చూపనూ నీ గొప్ప ౹2౹

చ౹౹

అడిగానని చేయకే అలుసూ ఆ అందంతోను 

పొగిడానని పోనీ అనక కలిసిపో బంధంతోను ౹2౹

పూలరేకుల పూతరేకు చందమేలే ఆ అధరమే

కాలరేఖలే కల్పించవా అందుకోనూ ఆధారమే ౹ప౹

చ౹౹

నింగిలోని చుక్కలా నీలోనే ఏదో మెరుపున్నది 

పొంగిపోయే పొంకానికి ప్రేమలో మరుపున్నది ౹2౹

ఎడదకు ఎంత కష్టమో ఆ ఎదురు చూపులూ

ఎడబాటు కలగనీకే ఎక్కుపెట్టేసేసి తూపులూ ౹ప౹

చ౹౹

కలవరమే కలిగించకు కాంక్షనే మరి నులిమేసి

కలా వరమే కలత తొలగనే మదిలో గాలమేసి ౹2౹

లేమితనం లేదులే ఎదలోని వలపునే పంచను

కామితనం కారణమూ అడగదులే ప్రేమించను ౹ప౹