Library
Profile
ఎడారిలో నా పయనం
ఎడారిలో నా పయనం
1 min
0
ఎడారిలో నా పయనం ఏ గాయం కొత్త కాదు
అనాదిగా అదే రణం పోరాటం కొత్త కాదు
ఇప్పుడున్న ఈ కష్టం ఎందుకంటె ఎలా చెప్పు
మరల మరల పుడుతుంటే ఏ మరణం కొత్త కాదు
నిన్ను నీవు మలచుకున్న దారి మరచిపోయావా
నిప్పులపై నడిచావే ఆ మార్గం కొత్త కాదు
అంధకార బంధురమై తోస్తోందా భవితవ్యం
వెలుగు కొరకు చీకటితో సావాసం కొత్త కాదు
దారంతా ముళ్లేనని పరుగాపకు ఓ సత్యా…
గుండెపిండు నీ కథలో ఏ గరళం కొత్త కాదు
