దివ్య కార్తీకం
దివ్య కార్తీకం
తెల్లవారక ముందే నిద్ర విడచి
చన్నీటి స్నానాలు చేసి
కార్తీక దామోదరుని మదిని తలచి
వెలిగించేము కార్తీక దీపం
అదిగో ఆకాశ దీపం
ద్వాదశి దీప దానం
విశిష్టత కలిగిన సాలిగ్రామ దానం
కార్తీక పౌర్ణమి రోజున జ్వాలా తోరణం
శివ విష్ణు ఆలయాల్లో చేసే సందడి
విశేషమైన కార్తికేయుని ఆరాధనలు
తులసి కోట చుట్టూ దీపాల మాలికలు
ఓ వైపు శరణం అయ్యప్పా అనే శరణు ఘోషలు
ఆధ్యాత్మికత పెంచు పురాణ ప్రవచనాలు
ఆరిపోయిన దీపాలను కూడా వెలిగించమంది
అంటే నిస్ప్రుహను దరి చేరనీయవద్దని చెబుతోంది
దానం చేయమంటోంది
లోభాన్ని దూరం చేసుకొమ్మని చెబుతోంది
కార్తీక దీపం వెలిగించమంది
ప్రకృతిలోని ప్రతి ప్రాణి స్థితినీ గుర్తించమంటోంది
అరిషడ్వర్గాల చీకట్లను పారద్రోలి
నీ మనసులో కరుణను నింపి
వెలిగించు కార్తీక దీపాలను
తెలుసుకో జీవిత పరమార్థమును
(దీపంతో మరో దీపం వెలిగించినట్లు
ఒకరికొకరు తోడుగా నిలిచి సమస్యల చీకట్లు తొలగించు)