చూసానూ..

ప౹౹

_{రెప్ప వేయక చూసానూ రెట్టించినా అందాన్ని}

_{చెప్పలేని హాయేదో చేరినే చూశాక చిన్నదాన్ని ౹2౹}

_ప౹౹

_{చూపుల తూపులతో తనువులోన తన్మయం}

_{మరుల మారాముతో మనసులోన విస్మయం ౹2౹}

_{ఎడారిలో వెల్లువలే ఎడదలో ఏదో సంచలనం}

_{తడారిన గొంతుకకు చన్నీరే తాకినట్లు చలనం ౹ప౹}

_చ౹౹

_{పచ్చి యవ్వనపు పరవళ్ళు వరద వరవళ్ళేగా}

_{మచ్చికలేని ఆ వయసు పొంగుకు పరవళ్ళేగా ౹2౹}

_{కవ్వించే అందానికి ఆసరాగ చేరే ఆ హాసనమే}

_{ఊహించే ముందుగ కోరినే ప్రేమ సింహాసనమే ౹ప౹}

_చ౹౹

_{చిరువేణి కులుకుతో చిగురేసే వంతగా వలపు}

_{చిగురుబోణి చెంత చేరినట్లుగ మదిలో తలపు ౹2౹}

_{ఎలమి చూపులలో చిక్కిన చక్కనైన తరుణిని}

_{చెలిమి చేతులలో చేర్చుకోనా ప్రణయ వాణిని ౹ప౹}