చిగురించాలి

ప_౹౹

పారేసుకున్న మనసుకు మిగిలిందీ పారవశ్యమే

చేరవేసుకున్ప ఉసులు చెలికి చేరను ఆలస్యమే ౹2౹

చ౹౹

వలపు వాకిళ్ళ తెరను తొలగించక మౌనమేలా

తెలుప మదిలోని ఆకాంక్షనూ అనుమానమేలా ౹2౹

అవకాశాన్ని ఉపయోగించనూ ఉపేక్ష ఎందుకని

ఆకాశాన్ని హద్దుగ చేసి కదులు ప్రేమనందుకొని ౹ప౹

చ౹౹

చరవాణి సందేశం వచ్చుననీ ఎదురూ చూడక

చేరదీసి ఆ చెలియకై చేయించు ఎదురువేడుక ౹2౹

మధురమైనదీ మరులతో కూడుకున్న సందేశం

అధరంపైన సంతకమొకటి చేసేయ్ చేసి నిర్దేశం ౹ప౹

చ౹౹

అందమైనదేగ తరుణి మనసు మందిరమంతా

పొందటానికి అర్పించు ఎలమి సుందరమంతా ౹2౹

మది రగిల్చిన మంటనే ఆ మగువే చల్లార్చాలి

అది మిగిల్చిన ఆ గురుతులెపుడు చిగుర్చాలి ౹ప౹