చెలిమి పూల వీణ

నా తియ్యని పూలవీణ..తస్కరింత బాగున్నది..! 

నీ చూపుల సరాగాల..చెంగలింత బాగున్నది..! 

ఎటుచూస్తే అటునీవే..కనిపిస్తూ ఉన్నావుగ.. 

నీ తలపుల మల్లెచెండు..పలకరింత బాగున్నది..! 

చెలిమికాంతి వర్షంలో..నీ కనులకు దాసోహం.. 

ఈ తనువే పొందుతున్న..పులకరింత బాగున్నది..! 

నీవు రాని వేళలన్ని..విరహాద్భుత గీతాలే..

వేనవేల వలపులతో..చకిలిగింత బాగున్నది..! 

ఎడారిలో వసంతమై..పూసిందే నీ హాసం.. 

భావగగన వీధులలో..ఊరడింత బాగున్నది..!