చెలిమి మీర

నా మనస్సు నా జేబున..కలమైనది ..చెలిమిమీర..!

అక్షరాల మౌనానికి..వనమైనది..చెలిమిమీర..! 

సంచరించు తలపులన్ని..ముద్దాడెను గగనాలను..

ఈ తనువున తన ఉనికే..వరమైనది..చెలిమిమీర..!

భావనమే మెరుపుపూల మధుశాలగ మారె కదా..

'నేను,నాది' తన పదముల..పరమైనది..చెలిమిమీర..!

సత్యమేదొ బోధపడగ..పంచుతోంది అదేపనిగ..

అంతులేని చిరునవ్వుల..ధనమైనది..చెలిమిమీర..!

ఆశయాల నిట్టూర్పులు..ఆవిరయ్యె చిత్రముగా..

నిర్వికార లోగిలిలో..తపమైనది..చెలిమిమీర..