చాలు చాలు

నీ నవ్వుల నదిలో నను..విసిరేస్తే చాలుచాలు..!

నీ చూపులు సంకెళ్ళుగ..వేసేస్తే చాలుచాలు..!

మురిపించే నీ అందెల..సవ్వడులే విందు చాలు..

నా మనసును చెప్పకనే..దోచేస్తే చాలుచాలు..!

వర్ణించగ కాళిదాసు..కాను కదా..మాటలేవి..

నీ వలపులు నా కొఱకే..దాచేస్తే చాలుచాలు..!

ప్రేమలేఖ వ్రాయబోతె..వెక్కిరించె అక్షరాలు..

ఏమైనా హృదయాలను..కలబోస్తే చాలుచాలు..!

మరి గట్టిగ అనుకున్నా..నీతోనే జీవితమని..

నా శ్వాసను నీకోసం..నిలిపేస్తే చాలుచాలు..